بينما ينتظر الكل مؤتمر آبل WWDC الذي تم تحديد ميعاده في 20 ابريل, والذي من المفترض ان يقوموا فيه بالاعلان عن نسب مبيعات الآي باد 2. قام موقع eBay باصدار الاحصائيات الرسمية التي توضح نسب مبيعات الآي باد 2 في خلال اسبوعين من بدء عملية البيع والتي وصلت لاكثر من 12000 جهاز.
ويوضح لنا هذا الرسم التفصيلي عدد الاجهزة التي تم شحنها لكل بلد, هذا بالنسبة للشرق الاوسط:
المملكة العربية السعودية: 165 جهاز | الامارات العربية المتحدة : 147 جهاز | قطر: 55 جهاز
وقد ذكرت CNET في تقريرها:
انه ليس بمفاجئة ان تبلغ نسبة مبيعات الآي باد 2 في خلال اسبوعين فقط حوالي 12000 جهاز منذ الاعلان عنه وبدء بيعه.
(اضغط علي الصورة للتكبير)
وبينت الاحصائيات ان نسبة 65% من الآي باد قد تم بيعها للمقيمين داخل الولايات المتحدة الامريكية, بعكس ما كانت عليه النسبة للآي باد 1 في العام الماضي والتي وصلت 35% فقط. وأفادت ايضا الاحصائيات ان كندا و روسيا يعتبروا من اكبر مستوردي الآي باد 2.
متوسط سعر بيع الآي باد 2 WiFi 16 GB وصل علي موقع البيع بالمزاد العلني حوالي697$ علي عكس سعر التجزئة لآبل وهو 499$, أي اغلي منه ب 198$. الجدير بالذكر انه جزء من هذه التكلفة يعود الي موقع eBay في صورة رسوم عرض للمنتج علي الموقع, بمعني انه لم يبيعها كل الاشخاص بنفس السعر.
اوضحت ايضا الاحصائية نسب بيع الآي باد حسب الموديلات المختلفة:
- 30% نسبة مبيعات موديل WiFi 16 GB
- 17% نسبة مبيعات موديل WiFi 32 GB
- 14% نسبة مبيعات موديل WiFi 64 GB
- 7% نسبة مبيعات موديل 3G 16 GB
- 9% نسبة مبيعات موديل 3G 32 GB
- 23% نسبة مبيعات موديل 3G 64 GB
وبهذا تكون اعلي نسبة هي موديل WiFi 16 GB وموديل 3G 64 GB وهما اقل وأعلي فئتين من حيث المواصفات والسعر.
وهذه الخريطة توضح شكل صادرات الآي باد حول العالم
(اضغط علي الصورة للتكبير)
بينما لا تكاد تعبر احصائيات eBay عن حجم مبيعات الآي باد بالكامل (حيث انه مازال هنالك متاجر آبل للبيع بالتجزئة ومتاجر آمازون وبيست باي والشراء من آبل نفسها عبر الانترنت) الا انها تقدم لنا نظرة موضوعية حول شعبية الموديلات وكيف ان كثير من المستخدمين مستعدون لدفع اكثر من السعر الاصلس لمجرد الحصول عل الآي باد بسرعة.
والسؤال الان هل انت مستعد لتدفع اكثر من السعر الاصلي المعروض علي موقع آبل مقابل شراء الآي باد 2 والحصول عليه سريعاً؟ ام انك تعتبر هذا بانه غير منطقي؟
يوم نزل الايباد في امريكا بعد كم يوم وجابوا منه ١٠ حبات بالرياض الي بالشريحه وباعوه في البطحه ب ٥٠٠٠ وبعد اسبوع نزل في المحلات ب٣٠٠٠ومدري كم وخالي كان من الي شروا ب ٥٠٠٠ وانقر يوم نزل بعد اسبوع ب ٣٠٠٠ومدري كم فيا إخوان اصبروا ماراح تندمون ومثل مايقول المثل (ان في التأني السلامه وفي العجلة الندامه )
ما الفرق بين الجهازين
لا والله انتظر انشاءالله سنه ما فرقت
ليش اسمح للباعه انهم يستغلوني برفع السعر لمجرد الحصول عليه بسرعه
وانا مصمم برامج واحتاجه لكن ليس لدرجه اني ادفع اكثر من حقه
اعزائي صباح الخير المنتج هو واحد ولاكن الشركه تضع هذه الفروقات للاثاره ولتستفيد شركات المفرق والوكلاء في الدول الاخرى – متى ماوجدت المنتج بسعر يناسبك لاتتردد عن تجربه قديمه جدا في هذا المجال
السلام عليكم ،،
اليس موعد مؤتمر أبل هو 6 يونيو ؟ وليس كما ذكر في الموضوع ” 20 أبريل ” ؟؟
الله المستعان .. فيه ناس ما تفرق معاها الفلوس يعني الالف ريال عندهم زي الريال عندي فهدول ماعندهم مشكلة يدفعوا زيادة لكن الي مثل حالتي لا بينتظر وغصبا عن خشمه :)
انا شريته من امريكا 3G حجم 64 ابيض والكفر سلفر ومع التاكست طلع علي ب٣٥٠٠ ريال
واحد الاخوان يقول لقاه ب٦١٩٩ ريال ؟ ياساتر
لو طالب ١٠ اجل بفتح لي مطعم بخاري من الربح هههه
تجارنا فيهم طمع غير طبيعي
والله يخلي لنا اقاربنا برا ولا اكلناها مع الجشعين
لا يوجد وكيل لشركة آبل بالسعودية مطلقاً ..
ونستغرب هذا بدولة كالسعودية , حيث بها أكبر سوق لمنتجات شركة آبل في الشرق الأوسط وخصوصاً بالأجهزة الذكية !!
انا اشتريته من بست باي بنفس سعر ابل وانتظرت اسبوعين حتى وصلني .
انا فالرياض وابغى اشتري ايباد ٢ واي فاي و٣ جي ابيه بس ما ابغى من السعودية لانه غالي كيف اسوي دلوني تكفون
اولا شكرًا ايفون اسلام وللأستاذ طارق شخصيا اما بالنسبه ان اشتري الأيباد بسعر اعلى فهذه مشكله لو لاحظنا كلام الرئيس التنفيذي ستيف جوبز لوجدنا انه يقول للناس انه اقل سعر لجهاز لوحي اي ان الناس في امريكا يتهمون لتسويق المنتج ومراعات السعر للناس حيث ان ستيف قال نحن اقل سعر بين الاجهزه اللوحية وهذا يعني ان الناس ينظرون للسعر فيكف العرب يأخذون شئ اصحابه يقولون ان هذا هو السعر المناسب وانهم تمنوا ان يكون بأقل من هذا السعر شئ غريب التاني دائماً مكسب لنا ولهم بل ربما ينزلو من سعره إرضاع للمشتري ليس بالشرط لكن الأحتمال وارد وآسف على الاطاله ولكم جزيل الشكر
أبغى منكم المشورة
أنا الان في استراليا على بعد خطوات من متجر ابل وسأكون في جدة الشهر القادم وأرغب بي جلب ٥ اجهزة أيبا٢ وبيعها في السعودية سؤالي هو عن المواصفات المرغوبة في السعودية بالنسبة للون والسعة وبشريحة اوبدون وأشكركم على تجاوبكم
هل نزل في السعودية وتم تعريبه ؟
ويعطيكم العافيه
اشوف ان الاي باد١ يفي بالغرض
لانكون طماااعين
متى ينزل الآي باد٢ في الأسواق العربية و السعودية خصوصاً ؟ و كم سيكون سعره بشكل نهائي خصوصاً موديل واي فاي ١٦ قيقا في السعودية ؟
لو حسبنا ١٢٠٠٠*١٩٨= ٢٣٧٦٠٠٠ تقريبا شي مو طبيعي بفترة قصيرة أنا رأيي انتظر احسن
السلام عليكم
اريد ان اعرف هل الآيباد 2 يعمل كجهاز هاتف ايضا ؟
الحمدلله اشتريته ويستاهل من يصف سرا له من الساعه ٦ ونص الصباح
3G 64g wight
حبيت اسأل عن السعر عند اللي بالرياض ..
واذا احد يبي اشتري له يعلمني. p:
الصراحه عقب ما قريت مواضعيكم وتعليقات الناس اذا ما خاب ظني انه الايباد ٢ ما يسوا من وجهت نظري لانه
١- مافيه usb وهذا اللي يخلي الايباد قوي من ناحيت الاستعمال
٢- ما يقبل ملفات الوارد
وحق اللي يسؤلون عن الثريجي او الوايفاي
في نوع بس وايفاي والنوع الثاني ثريجي + وايفاي
والثريجي مع شريحه
وشكرا
واسفين علا الطواله
أنا في السعودية واشتريت جهاز iPad 2 64g 3G بفرق ٣٠ دولار فقط عن متجر ابل …
البعض سيسأل كيف؟
فقط تابع متجر eBay ستجد بائعين تنزلون الجهاز بصفقات رائعة جدا
أنا وصيت زميل لي يشتريه من امريكا وللأسف الجهاز كان غير متوفر في apeel
وتوجهت لebay وتابعته عدت ايام صحيح معظم الصفقات فيها زياة اكثر من ١٠٠ دولار لكن تابع وستجد صفقات رائعة
بصراحه أنا شريته وشريت سمار كفر الي شريته ٦٤ وأي فاي ثري جي وهو علي الطريق وكلفني تقريبا ١٠٠٠
من اي متجر اشترته وكيف
انا احب استفسر قمت بشراء من موقع سكر ايباد ١واي فاي بدون ٣جي ١٦جيجا هل معنا بدون ٣جي انو مافيه مدخل لشريحة
وشكرا يليت احد يفيدني قبل ماتوهق فيه^_^
نعم هذا صحيح
بصراحه أنا شريته وشريت سمار كفر الي شريته ٦٤ وأي فاي ثري جي وهو علي الطريق
هل لو طلبته من موقع ابل يوصلني في السعوديه وكم الفتره الي يوصل فيها وهل اقوم بوضع عنوان بريد واصل ام ماذا
اتمني ان يكون هناك موضوع يوضح طريقة الشراء لمنتجات ابل من موقعها الرسمي حتي نسلم من جشع التجار
اريد نصيحه هل اشتري ايباد او ايباد ٢
بحيث فرق السعر كبير بينهم يتراوح مابين 2500 درهم ٦٤3g
المشكله مش السعر المشكله عندي هل الفرق كبير بينهم يجعلني ادفع فرق المبلغ هذا ولا اشتري ايباد الاصدار الاول لانهم مثل بعض ومافي فرق كبير بينهم
وشكرا اي فون اسلام
الله يعطيكم العافيه وأنشاء الله اشتريه إذا رخص سعره لأنه الآن غالي
اشتريه بسعر آبل او اكثر بشوي لا اكثر
اختي شرت ايباد ٢ مره حلو يعني اختي من ٣٠0/0 الثلاثين بالميه من الي شرو الأيباد بس المجموع بس الي شرو من السعوديه اثر من الي شرو بالإمارات
والله خوووش جهااز ان شاء الله اول الناس اشتريه مشكورين ما قصرتم
المشكله لو قلت بانتظر حتى نزوله والحصول عليه بسهوله يكون اي پاد 3 نزل. عشان تستمع لمنتجات اپل لوقت كافي لازم تكون من الأوائل.
والله مو حب في التقنيه ان السعوديه تشتري ١٧٠ جهاز، بس عشان تجي هنا وتبيعها باربع اضعاف سعرها
مثل ماهوا حاصل في الايفون ٤
اشكركم اخواني وانا سعيد بكل ماتقدمونه من نصح وارشاد اتمنا لكم التوفيق وان يجزيكم الله خير الجزاء.
س: لماذا لا يوجد مدخل لل USB في جهاز iPad 2
هذا سؤال نود ان نوجه لأبل ايضاً، ربما لكي تحافظ على نحافة الأيباد.
انا بالكويت شفت قطعتين للايباد ٢ تركب مثل الشحن واحد للفلاش مومري والثاني للكامره متنقله وفي كيبل للhd يعني الان ايباز يدعم فلاش مومري يعني الذاكره او التخزينه
الي يبي هذي القطع موجوده ب يوريكا بالفحيحيل بالكويت
مرحبا بك أخي .. وشكرا على مجهودك
فقط لاحظت أنك تتحدث عن الآي باد 2 اما 3G أو WIFI هل هذا صحيح ؟!!!
أرجو الرد على استفساري في هذة النقطة .. فالآي باد 1 ثري جي وواي فاي .. كجهاز واحد .. أم اتضح الأمر لي خطأ ..
تمنياتي بدوام التوفيق
اخي العزيز الايباد ١ او ٢ متوفر يا واي فاي فقط او واي فاي + ٣ جي
هناك نوعين الاول به WiFi فقط
والنوع الثاني WiFi + 3G
احسن موقع بحق الله افادة
ما شااء الله في اسبوعين بيعت كل هذه الايبادات ماشاء الله هذا دليل على التفوق والنجاح
الآيباد 2،حجم32GBكم يصل سعره؟
والله انا ماراح استعجل حنتظر خصوصا ان هذا الجهاز ليس من طموحاتي …..بالتوفيق للي بيشتروا ربي يعطيكم خيروا ويكفيكم شروا….(يكفيني iPhone4)..•_•
بالنسبة في قطر ٦٥٠ دولار على الاي باد
لان الحين بقطر ٤٢٠٠ ريال (٣٢ جيجا) = ١٢٠٠ دولار تقريبا
وهاي كثير جدااااا هاي بالنسبة لمحلات فيرجن ميجا ستور
—–
اما 3G 32
٥٢٠٠ وهاي سعر لا خيالي غالي جداً
فهذا يعني ايبي يعتبر رخييص جدا!!!!!!!!!!!!
للأسف فإن ابل تدعي ان سعر الايباد ٢ هو 499 دولار امريكي علما ان هذا السعر لا يشمل الغطاء الذكي للجهاز.
ونظرا لاختلاف العملات من دولة لاخرى فإن السعر سيكون حتما مرتفع على الاقل لمن تتجاوز عملتهم قيمة الدولار الامريكي.
وقس على ذلك لو ابتعت اكسسوارات اخرى للجهاز غير الغطاء واتساءل الى كم ستصعد قيمة الجهاز؟
شكرًا ايفون اسلام
انا طلبته من متجر ابل والوصول بعد شهر او شهرين ادعولي بالوصول السريع
كم أنا في انتظاره
بالنسبه لمبيع الايباد ٢ في الكويت اكثر نسبه كانت ل WiFi 64 GB وقمت بشرائه عن طريق احد موزعين ابل في الكويت بمبلغ يقارب 750 $ اتوقع ليس كثيرا اعلى من سعر متجر ابل وتقريبا الشركه قامت ببيع مايقاري ٣٠٠٠ جهاز في ثاني اسبوع من طرحه في الاسواق وحاليا الكميه التي كانت لديهم قد نفذت ومن يرغب به يقوم بالحجز ويستلم الجهاز بعد اسبوع من تاريخ الحجز
اخوي كيف أتواصل مع هذا الموزع
اخوي عندك موزعين وايد في الكويت
منهم اي سيتي في الافنيوز
او يوريكا
او الكتروزان
او ديجيتز في المارينا مول
اخي الكريم للاسف الشديد لم اجد الى ايباد ٢ ويفي ١٦ جيجه واللون اسود وشريته ولم استطيع الصبر ولاكن السعر كان ١٩٩ دينار كويتي
أنا اشتريت من اي باي وهو بالطريق
ما حبيت انتظر كتير واحتمال يكون سعره اغلى وخاصة انني اخذته بسعر جيد عن طريق المزاد
الان سعر الايباد ١ مغري
انصح بشراء الجيل الاول الان
وبعد سنة نشتري الجديد
أنا احد الذين حصلوا على 3G 64
بس ما فيش مكان للشريحة انا محبط
مااستغرب مبيعات ابل توصل لاعلى القمم لانها شركه جديره بالثقه وقويه في نفس الوقت.
إلى الامام ياأبل
شكرا ايفون اسلام على هالمعلومات
بس لو يضيفو الفلاش بلير ويقبل ملفات الورد
مشكور على الخبرية
شكرًا ايفون اسلام على المواصلة الدائمة
ولكن مااود معرفته بغض النظر عن السعر
ايهما الباست ون وشكرا
أحدثكم الان من الإيباد
2 فانا لم استطع المقاومه اول مأ نزل كندا شريته لانه من زمان خاطري فيه تقريبا مع الضريبة 980& دولار كندي اي مايعادل 3725 ريال سعودي وافضل الموصافات 3G wi-fy 64 جيجا
انا اليوم قد زرت متجر اي ويڤر وقد كان سعر ال ٦٤ 3G ب ٦١٩٩ ريال والاستلام بعد ٣ ايام في حال توفرهـ اما في حالة عدم التوفر ماعليك سوى الانتظار الا فقط شهر واحد.
السلام عليكم ورحمة الله
في موضوع سابق لكم اشرتم الى ان مؤتمر ابل للمطورين
سيكون في شهر يونيو
وهنا قلتم انه في شهر ابريل
هل حدث تعديل في الموعد ام ماذا ؟؟؟
تحياتي لكم جميعا
اولاً السلام عليكم ومشكورين. ثانياً أنا من الناس الذين لا يفضل شراء منتجات التقنية بمجرد نزولها في الأسواق لعدة أسباب منها.
1.غلاء المنتج عند نزوله خصوصا ً عند تجارنا في الخليج
2. لكي لا أنصدم بعد الشراء بالعيوب التي في الجهاز حتى لو من أبل.
هذ والله أعلم (أأسف على الإطالة) والسلام عليكم (ومتراح أشتريه إلا بعد أن يقل سعره
الايباد جهاز جميل ولكن سعره غالي حبتين
عندن التجار يبيعيوه بضعف السعر والناس تشتريه بعد
تخيلوا عندنا في عمان وصلت قيمته لنسخة الثري جي ب ٦٠٠٠ ريال سعودي
أنا وصلني خمس اجهزة
ماشاء الله شي حلو مبيعات قويه بالنسبه لموقع واحد
أولاً / يعطيك العافيه .
ثانياً / ليس لدي استعداد ان أشتريه بأكثر من سعره الأصلي .
لكم ودي .
يعطيكم العافية وتمنياتي لجميع بالتوفيق
بالنسبة لدفع اكثر من سعر الاصلي
انا اختلف تماماً مع من يدفع
وتحياتي لكم بس فيه شغله بسيطه في الموضوع اخر شي كتبت السعر الاصلس بدل الاصلي وتحياتي
طيب فيه نوعين او كيف؟ فيه شي يأتي واي فاي وفيه شي يأتي ثري جي طيب فيه شي يجمع بينهم واي فاي وثري جي؟
لا والله
شراء الاجهزه من مواقع خارجيه اعتبرها خطووره
ليش فيه خطورة ما ني فاهم ياما شرينا اجهزة من أمريكا بسعر اقل وبجودة عالية ومع كفالة وشغالة زي الفل والحمد لله اكلمك عن واقع تجربة
الخطوره اخوي على سبيل المثال
هناك واحد من الاخوان اشترى ايباد من ebay
واكتشف انه مافيه مكان للشريحه ويمكن ترجع لمنتديات البوابه علشان تشوف تقريره بشكل اوضح
انا مستعد اشتريه بالوقت اللي اشوف ما عندي التزامات، وبنفس الوقت الايفون مسكتني شوي :)
حلو بس سعره شوي مبالغ فيه احتفظ بالايباد ١لانه لايوجد فرق كبير
لا طبعا، بالنسبة لي ما اشتري شي بزيادة غير منطقية في السعر لأجل الحصول عليه بأسرع وقت. و بصراحة السعر مبالغ فيه عندنا في السعوديه…
بالنسبة لي احب اقتني اخر صيحات التكنولوجيا لكن الحمد لله الله أكرمني بضبط النفس في المشتريات ومستعد اصبر وقت طويل حتى احصل على مرادي بالسعر المعقول. طبعا اذا انا ابغى واحتاج هذا الشي وليس كل ما تهواه نفسي :)
الموضوع حلو
الاجابه نعم اشتري مهما كان سعره
السلام عليكم ررحمة الله وبركاته
بصراحه ما يطمع التجار الا المتسرعين في الشراء ايش بتزيد لو اشتريته اليوم او بعد عشره ايام
في الاخير انت غرضك الحصول عليه وهو ليس بنادر حتى ادفع اضعاف سعره
الي جوزيف… الواي فاي موجود اساسي في كل الايباد لكن المكتوب جنبه ثري جي معناه ان به الاتنين معا
شكراً أخي شريف لأن لدي الآيباد ١ فيه الخاصتين الواي فاي والثري جي وموجود بالإعلان أعلى البيع كل جهاز على حده الثري جي لحال والواي فاي لحال. مما سبب لي لبس في الموضوع. والآن أتضحت الصورة. شكراً لك أخي العزيز.
إيباد ٢ جهاز غير عملي
مافيه ملفات وورد
و لا فلاش
وكمان غالي بالسعودية
احسن اشتري لابتوب
يكفي يشغل الاوتو كاد وفلاش بالتصفح مفعل وكل شي فيه ماعندك حجة خخخخخخخ
متى يتم البدء ببيع الأيباد ٢ في أليابان حيث تم تأجيل نزوله والى الان لا معلومات بهذا الخصوص
لمن يعلم ارجو منه الاجابه
ننتظر احسن علشان ما نندم بعدين
وبعدين كل هذا عشان انه الأيباد صار ٢
عادي لانه الأيباد 1 و الأيباد 2 نفس الشي
بس الكاميرا بس اذا كنت تبغا الأيباد ٢
اصبر و لا تستعجل
و شكراً
تعودنا منك الصدق في المعلومة للفائده الجميع
اسأل الله لكم التوفيق
والي الامام دوما
نحنوا فقط ننقل الاخبار متى يأتي دور المسلمين في بيع
هواتف التتش ومايشابهها من اجهزة
أعجب فعلا لمن يدفع أكثر ليحصل على منتج بسرعة قبل أقرانه وزملائه .. بينما لو انتظر أيام كثرت أو قلت لحصل عليه بسعر جيد وربما ببميزات أيضاً جيده .. ولكن يضل الناس فيما يعشقون مذاهب.
أشكرك من أعماقي يا آيفون إسلام وهذا أول تعليق لي ولكن لأخفيكم أنك أساتذتي في مجال الآيفون. جعل الله ذلك في ميزان حسناتكم. اللهم آمين.
ولكن لدي سؤال : هل الآيباد ٢ ليس فيه خاصية الواي فاي والثري جي معاً ؟! أم أن كل خاصية على حده كم هو موضح ؟!
الايباد الثري جي نفس الايباد واي فاي بس فيه اضافه خاصيه الثري جي
استفسار :
هناك متجر ابل في السعودية بالتحديد في القصيم
بجانب مكتبة جرير
هل هو رسمي من ابل او مجرد محل يبيع منتجات ابل ؟؟
مافيه في الرياض عشان يكون في القصيم
السعوديه كلها ما فيها متجر رسمي من ابل
ايه اخوي متجر حاسبات العرب وكيل رسمي لأجهزه الماك والايباد بالسعودية وهذا واحد من فروعهم الرسميه بالمملكة
بالنسبة لي اتوقع ينزل بجرير قبل الوكيل خخخخخ
لا يوجد متجر رسمي لابل بالسعوديه
الا في في بالرياض شارع الثلاثين وفي علي ما اعتقد في سوق سنتيريا. بس القصيم ما ادري ليش ماتطلبه طلبيه.
اخي العزيز لا يوجد وكل رسمي في دول الخليج ماعدا الامارات والستور الذي يكون في باقي دول الخليج فهم فقط موزعين
والجاي اكيد اكثر فلا تخافين ياآبل
الغرب يصنعون والشرق يستوردون وهكذا الحياة
اولاً : تستحقون الشكرْ ايفون اسلام.
ثانيا : اعتقد وبصراحه ان بالنسبه ان ادفع على شيء ما مالاً اكثر بقليل من حقه الاصلي او المعروف لكي يصل لي بسرعه او خلال كم يوم…. اعتقد الجواب هو بالفعل >> نعم
ولاتنسا ان موقعه باخر الدنيا او بالأصح بعيد جدا.
أسف على الاطاله لاكن هاذا ماكنت سأفعله بالحقيقه ..
أنا أبي أشتري شرايك أشتريه و لا لا
تم الشراء من امازون وهو في الطريق .)
ماقدرت انتظر
شي جميل بصراحه
لا والله انتظر نزول في أسواق الامارات وانا لست مستعجل على ذالك
كل التجار فيهم طمع مو طبيعي واولهم واكثرهم تجارنا السعوديين قيمه الايباد ٣ جي ١٦ جيجا وصلت الى ٣٢٠٠ والله مااشتريه بهذا السعر لو ايش مايسير اقدر اذلبه من ابل نفسها وزياده مصاريف الشحن ومايوصل سعرهم
ماشاء الله شي حلو مبيعات قويه بالنسبه لموقع واحد
بس انا اكتفي بالاول لان خاب ظني بالكامرا و المواصفات المضافه الجديده
ويسرني اكون من
الرادين بالموضوع
أبي اشتريه مهما سعره
أولاً يعطيك العافيه. ثانياً بصراحه ليس لدي استعداد ان أشتريه بأكثر من سعره الأصلي
يارب ترزقنا باواحد
لا اعتقد ان هناك داعي للحصول عليه بسعر اعلى بدافع الحصول عليه بسرعة الا بوجود سبب.
عن نفسي يوجد بالقرب مني ابل ستور و لن احتاج للزيادة ف السعر
و الاي باد بالنسبة لي سعره مكلف قليلا ف ما راح افكر أبدا أني ادفع اكثر خاصة ان الزيادة لن تكون لصالح ابل بل لصالح طرف ثالث
لا والله ننتظر في العجلة الندامة \
سوال متى موتمر ابل بالتاريخ الهجري
المؤتمر سيكون يوم 16 جماد الاول ان شاء الله